Okkar þjónusta

Home → Okkar þjónusta

 Við bjóðum upp á margvíslega þjónustu við félagsmenn okkar, sem og aðra lánþega. Allt frá því að aðstoða við kröfugerðir og mótbárur til þess að endurreikna áður gengistryggð lán.

Því miður sjáum við okkur ekki fært að veita þessa þjónustu endurgjaldslaust og höfum við því sett fram áskriftarleiðir sem vonandi henta sem flestum.

Mismunandi þarfir kalla á mismunandi þjónustu og því bjóðum við upp á þrjár mismunandi leiðir fyrir félagsmenn okkar.

Okkar leiðir eru; Okkar – 1, Okkar – 2 og Okkar – 3. – Eiginlega eins einfalt og hægt er að hafa það.

Allir skráðir félagsmenn njóta afsláttarkjara og allrar venjubundinnar þjónustu, svo sem almennrar ráðgjafar í síma, aðstoð við kröfugerðir og val á greiðsluerfiðleikaúrræðum. Sé þörfin hins vegar umfram venjubundna þjónustu, svo sem aðstoð við framkvæmd greiðsluerfiðleikaúrræða eða endurútreikningur lána, þá bjóðum við upp á Okkar – 2 og Okkar – 3.

Smærri fyrirtæki og atvinnurekendur geta að sjálfsögðu gerst félagar í Samtökum lánþega. Miðast mánaðargjald þá við Okkar – 3 og aðstoð er veitt með 25% afslætti frá almennri verðskrá.

Okkar leiðir

Okkar – 1

kr. 375,-/mán
    • Aðstoð við kröfugerðir og mótbárur.
    • Aðstoð við val á greiðsluerfiðleikaúrræðum.
    • Ráðleggingar í greiðsluerfiðleikum.
        • Aðstoð við framkvæmd greiðsluerfiðleikaúrræða.
        • Aðstoð við lánatökur og endurfjármögnun.
        • Aðstoð við uppgreiðslu lána.
        • Aðstoð við endurútreikning eftirstöðva.
        • Aðstoð í ágreiningsmálum.

Okkar – 2

kr. 735,-/mán
    • Aðstoð við kröfugerðir og mótbárur.
    • Aðstoð við val á greiðsluerfiðleikaúrræðum.
    • Ráðleggingar í greiðsluerfiðleikum.
    • Aðstoð við framkvæmd greiðsluerfiðleikaúrræða.
    • Aðstoð við lánatökur og endurfjármögnun.
    • Aðstoð við uppgreiðslu lána.
        • Aðstoð við endurútreikning eftirstöðva.
        • Aðstoð í ágreiningsmálum.

Okkar – 3

kr. 1.495,-/mán
    • Aðstoð við kröfugerðir og mótbárur.
    • Aðstoð við val á greiðsluerfiðleikaúrræðum.
    • Ráðleggingar í greiðsluerfiðleikum.
    • Aðstoð við framkvæmd greiðsluerfiðleikaúrræða.
    • Aðstoð við lánatökur og endurfjármögnun.
    • Aðstoð við uppgreiðslu lána.
      • Aðstoð við endurútreikning eftirstöðva.
      • Aðstoð í ágreiningsmálum.

Almenn verð

Hver og einn getur nýtt sér þjónustu Samtaka lánþega, en séu menn ekki skráðir félagar, gildir eftirfarandi verðskrá.

Þjónusta Einingar Verð
Kröfubréf og mótbárur @ hvert bréf kr. 4.850,-
Almenn bréf og skuldskeytingaskjöl @ hvert skjal kr. 9.850,-
Fundur til ráðgjafar @ hver fundur kr. 7.610,-
Ráðgjöf @ hver klst. kr. 7.610,-
Uppgreiðsluþjónusta @ hver mánuður kr. 610,-
Endurútreikningur húsnæðislána @ hvert lán kr. 28.050,-
Endurútreikningur kaupleigusamninga @ hvert lán kr. 28.050,-
Endurútreikningur fjármögnunarleigusamninga @ hvert lán kr. 32.250,-
Endurútreikningur fyrirtækjalána * @ hver liðinn gjalddagi kr. 680,-
Lögfræðiaðstoð @ hver klst. kr. 22.950,-
*Gerður er samningur við hvert lán sem reiknað er.

Okkar ávinningur

Með þátttöku í starfi Samtaka lánþega sem félagsmaður, ert þú að styrkja mikið og gott starf, sem þegar hefur skilað miklum árangri. Við höfum öll notið ávaxta þeirrar vinnu sem þegar hefur verið framkvæmt og við ætlum okkur að uppskera frekar, enda verkefnum hvergi lokið.

Sem félagsmaður nýtur þú þess að vera þátttakandi í góðu og árangursríku starfi, og þú nýtur jafnframt margvíslegra fríðinda.

Félagsmenn geta sótt sér endurgjaldslausa ráðgjöf um fjárhagsleg málefni og lagaleg álitamál varðandi fjármál. Samtökin aðstoða einnig félagsmenn í ágreiningsmálum við fjármálastofnanir og hið opinbera.
Okkar vinna, allra hagur.

Aðstoð við kröfugerðir og mótbárur

Aðstoð felur í sér ráðleggingar um samskipti við fjármálastofnanir og bréfaskrif vegna mótmæla eða kröfugerða. Takmarkast aðstoð við 12 fundi á ári og 2 andmælabréf mánaðarlega.

Aðstoð við val á greiðsluerfiðleikaúrræðum

Aðstoð felur í sér að fulltrúi á vegum Samtaka lánþega fundar með lánþega og fer yfir fjárhagsstöðu viðkomandi. Lánþegi útvegar gögn um fjármálastöðu sína nema um annað sé sérstaklega samið.

Ráðleggingar í greiðsluerfiðleikum

Aðstoð felur í sér að fulltrúi á vegum Samtaka lánþega fundar með lánþega og fer yfir fjárhagsstöðu viðkomandi. Lánþegi útvegar gögn um fjármálastöðu sína nema um annað sé sérstaklega samið. Sameiginlegir fundir þar sem farið er yfir þau úrræði sem í boði eru og valin leið sem best þykir henta hverjum lánþega fyrir sig.

Aðstoð við framkvæmd greiðsluerfiðleikaúrræða

Aðstoð felur í sér að fulltrúi á vegum Samtaka lánþega aðstoðar við gagnaöflun og greinargerð til lögmanns, héraðsdómara eða annars þess sem sér um eða framkvæmir greiðsluerfiðleikaúrræði. Fulltrúi á vegum Samtaka lánþega aðstoðar einnig við samskipti við embætti Umboðsmanns skuldara.

Aðstoð við lánatökur og endurfjármögnun

Aðstoð felur í sér að fulltrúi á vegum Samtaka lánþega fer yfir greiðslugetu lánþega, skoðar greiðslubyrði og samsetningu skulda og aðstoðar við endurskipulagningu.

Aðstoð við uppgreiðslu lána

Aðstoð felur í sér að fulltrúi á vegum Samtaka lánþega fer yfir greiðslubyrði og greiðslugetu, raðar upp lánum og ráðleggur um leið til uppgreiðslu með svokallaðri snjóboltaaðferð.

Aðstoð við endurútreikning eftirstöðva

Aðstoð felur í sér að fulltrúi á vegum Samtaka lánþega endurreiknar gengistryggð lán miðað við þekktar forsendur. Takmarkast aðstoð við tvö lán árlega en lán umfram þann fjölda eru endurreiknuð með 50% afslætti frá almennri verðskrá.
Lán eru endurreiknuð miðað við samningsvexti frá lántökudegi fram að síðasta greidda gjalddaga. Hafi lán verið dæmd ólögmæt, þá er reiknað frá dómsuppkvaðningu, eða gildistöku laga nr. 151/2010, eftir því hvort kom síðar til.
Miðað er við greiðslusögu lána og þar sem vextir eru breytilegir, þá miðast vaxtaútreikningur við þann dag sem greiðsla átti sér stað.
Við endurútreikning lána miðað við vexti Seðlabanka Íslands, þá eru vextir færðir á höfuðstól á 12 mánaða fresti í samræmi við lagafyrirmæli.

Aðstoð í ágreiningsmálum

Aðstoð felur í sér að fulltrúi á vegum Samtaka lánþega fer yfir ágreiningsmál og bendir lánþega á möguleg réttarúrræði. Oft má leysa mál án þess að til dómsmála komi, en við flóknari mál er leitað til lögmanna og þeir fengnir til að reka mál. Kostnaður við vinnu lögmanna er ekki innifalin í þjónustu Samtaka lánþega.

Félagsaðild

Félagsaðild er ekki til skemmri tíma en eins árs. Lánþegar hafa val um hvort félagsgjald er greitt mánaðarlega eða í einni greiðslu. Sé gjald greitt mánaðarlega er það framkvæmt með samningi á kreditkort.
Við aðild að Okkar 2 og Okkar 3, er greitt skráningargjald sem innheimt er við upphaf félagsaðildar. Skráningargjald í Okkar 2 er kr. 8.650,- en við Okkar 3 er skráningargjald kr. 12.110,-.
Skráningargjald fyrirtækja er kr. 25.510,-.

Innskráning

Síðustu aðgerðir

Heimilisfang

    Samtök lánþega
    Skipholt 50d, 105 Reykjavík
    ICELAND

    Sími: (+354) 512-1660
    Gsm: (+354) 615-1522
    Veffang: http://lanthegar.is
    Netfang: info@lanthegar.is
s2Member®